Болашақта жұмысыңыз бен саяхаттау мүмкіндігін біріктіргіңіз келеді ме?!

Мамандық: 10150100 - Туризм (салаға байланысты),

• Құзыреттілігі: 3W 10150103 - Туристік агент
• Құзыреттілігі: 3W 10150101 - Туризм инструкторы

Мемлекеттік грант! Шәкіртақы!

ХҚҚТК БІЛІМ АЛУ НӘТИЖЕСІ
• Сіз Қазақстан және басқа мемлекеттердегі туризм бағыттары туралы білесіз;
• тілдік тәжірибе алмасу кезеңін Қытайдағы ең үздік университеттерде өте аласыз;
• әуебилеттерін, қонақ үй брондау жүйесін бағдарлауды, сақтандыру мен визаны сауатты толтыруды үйренесіз;
• тәжірибе алмасу кезеңін ҚР мен ҚХР кәсіпорындарында өтесіз;
• кәсіпкерлік бизнес туралы білім аласыз;
• Қытайдың ең үздік оқу орындарында оқу гранты негізінде білімді жалғастыру мүмкіндігі (бакалавр, магистратура бағдарламасы бойынша);
• Болашақта жұмыс мен саяхатты біріктіру мүмкіндігі.
Студенттер қатарына сұхбаттасу жүргізу арқылы орындалады!

Оқу мерзімі:
Негізгі жалпы білім негізінде (9 сынып) – 2 жыл 10 ай
ХҚҚТК дипломы – бұл жұмысқа орналасу және мансаптық өсу кепілі!

Оқу қажетті құжаттар тізімі

1. 1.Аттестат (куәлік) 
2. 2.3х4 см көлеміндегі 6 дана фотосурет
3. 3.Жеке басын куәландыратын құжаттар
4. 4.№075, №063, №026 медициналық анықтамамен қоса берілген флюросуреті
5. 4. Мінездеме

Түлектерді жұмыспен қамту:
• Туризм саласындағы мемлекеттік және жеке меншік мекемелер.
• Логистикалық, халықаралық, туристік, сақтандыру компаниялары.
• Қонақ үй ісі және мейрамхана ісі.
• Менеджмент саласы.
• Қазақстан және ҚХР кәсіпорындары.
• Өз ісіңіздің жемісті дамуы!

10150100- Туризм (сала бойынша) түлектері техникалық және кәсіби білімі туралы дипломдарымен қоса төмендегідей қосымша құзыреттілікті меңгергені туралы сертификат алу мүмкіндігіне ие болады:

• Гид-экскурсиялаушы

Құжаттарды қабылдау мерзімі: 2024 жылдың 25 маусымынан бастап.

Құрметті талапкерлер мен ата-аналар (заңды өкілдер)!

"Е-gov" порталын және ҚР Электрондық Үкіметінің "eGov Mobile" мобильдік қосымшасын (бұдан әрі – "Е-gov" жүйесі) пайдалана отырып, еліміздің колледждеріне түсу үшін бірыңғай цифрлық жүйенің іске қосылуына байланысты әртүрлі дерекқорларды біріктіре отырып, мемлекеттік қызметтерді одан әрі цифрландыру мақсатында талапкерлерден және олардың заңды өкілдерінен өтініштерін қабылдау "Е-gov" жүйесі арқылы   1 шілдеден 25 тамызға дейін жүзеге асырылады.

Бұл ретте, 2024 жылғы 25 маусымнан 1 шілдеге дейін талапкерлер мен олардың заңды өкілдері қала колледждеріне түсу үшін құжаттарды тікелей Алматы қаласы колледждерінің қабылдау комиссиялары арқылы қағаз түрінде қолма-қол тапсыра алады.

Колледждерге оқуға қабылдау Қазақстан Республикасы Білім және ғылым министрінің 2018 жылғы 18 қазандағы № 578 бұйрығымен бекітілген техникалық және кәсіптік, орта білімнен кейінгі білімнің білім беру бағдарламаларын іске асыратын білім беру ұйымдарына оқуға қабылдаудың Үлгілік қағидаларына (бұдан әрі - Қағидалар) сәйкес жүзеге асырылады.

Қабылдау квоталарының тізбесі мен мөлшері  Қазақстан Республикасы Оқу- Ағарту Министрінің 2023 жылғы 15 тамыздағы № 261 «Техникалық, кәсіптік және орта білімнен кейінгі білім берудің білім беру бағдарламаларын іске асыратын білім беру ұйымдарына оқуға түсу кезінде қабылдау квотасының мөлшерін бекіту туралы» бұйрығымен бекітілген.

Техникалық, кәсіптік және орта білімнен кейінгі білімі бар кадрларды даярлауға мемлекеттік білім беру тапсырысы бойынша оқуға конкурсқа қатысу үшін өтініш берген кезде (бұдан әрі – мемлекеттік тапсырыс) орта буын маманының және қолданбалы бакалавриаттың (медициналық мамандықтар үшін) біліктілігі бойынша оқуға түсушілер мемлекеттік тапсырысты орналастыру жөніндегі Комиссия бекіткен төрт мамандыққа, біліктілікке (қажет болған жағдайда) дейін және ТжКОБ (колледждер) төрт ұйымына дейін оқыту тілін (қазақ, орыс), білім деңгейін, квоталық санатты (бар болса), ал сондай-ақ, жатақханада орын беру, мемлекеттік тапсырыс бойынша оқуға конкурс өткізу жөніндегі Бірыңғай нұсқаулықпен танысу, дербес деректерді жинауға, өңдеуге келісу/келіспеу қажеттігі туралы белгілер қойылады.

Мемлекеттік тапсырысты орналастыру жөніндегі Комиссия бекіткен Алматы қаласының ТжКОБ (колледждер) мамандықтарының, біліктіліктерінің және ұйымдарының тізбесімен орта буын маманының және қолданбалы бакалавриаттың (медициналық мамандықтар үшін) біліктіліктері бойынша мемлекеттік тапсырысқа  түсу үшін Алматы қаласы колледждерінің қабылдау комиссияларында танысуға болады.

Жұмысшы біліктілігі бойынша мемлекеттік тапсырыс шеңберінде немесе ақылы негізде (біліктілік деңгейіне қарамастан) оқуға  өтініш бергенде   мемлекеттік тапсырысты орналастыру жөніндегі Комиссия бекіткен бір ғана мамандықты, біліктілікті (қажет болған жағдайда) және ТжКОБ (колледж) бір ұйымын, оқыту тілін (қазақ, орыс), білім деңгейін, квоталық санатты таңдайды (бар болса), сондай-ақ жатақханадан орын беру, Қағидалармен танысу, дербес деректерді жинауға, өңдеуге келісу/келіспеу қажеттілігі туралы белгілер қояды.

2024 жылғы 25 маусымнан 01 шілдеге дейінгі кезеңде, өтініштер мен құжаттардың қағаз түрінде түсуі аяқталғаннан кейін, қала колледждерінің қабылдау комиссияларының мүшелері еліміздің колледждеріне түсу үшін бірыңғай цифрлық жүйе іске қосылғаннан кейін 2024 жылғы 01 шілдеден бастап осы цифрлық жүйеге талапкердің оқуға түсуі бойынша барлық мәліметтерді енгізеді.

Талапкерлер мен ата-аналар (заңды өкілдер) 2024 жылғы 25 маусымынан   01 шілдеге дейінгі кезеңде өтініш пен құжаттарды қағаз түрінде берген кезде кері байланыс және деректерді нақтылау үшін, әсіресе квоталарды растау кезінде, олар бойынша мәліметтер тиісті мемлекеттік органдардың деректер базасымен біріктірілетін бірыңғай цифрлық жүйеге енгізілгеннен кейін, қолданыстағы ұялы телефон нөмірлерін дұрыс көрсетуі қажет.