Биыл Ұлы ақын, ойшыл, қазақ жазба әдебиетінің негізін салушы Абай Құнанбайұлының туғанына 175 жыл толды. Осы атаулы мерекеге орай Қазақстанның барлық өңірлерінде жоғары деңгейде іс-шаралар ұйымдастырылды. Сонымен қатар, әлеуметтік желіде де Президентіміз Қасым-Жомарт Тоқаевтың бастамасымен Абай өлеңдерінен үзінді оқу челленджі жалғасын тапты. Әлемге әйгілі тұлғалар да өз үлесін қосып, қызығушылық танытты.
Аталмыш мереке қарсаңында біздің колледжімізде де қашықтықта 27 сәуір күні «Абай-дана, Абай-дара қазақта» атты байқау өткізілді. Колледж білімгерлері Абай атамыздың өлеңдері мен поэмаларынан үзінді оқыды, бұл байқауда жүлделі III орынды 2 курс студенті Орынбаева Анель, 1 курс студенті Тұрсынхан Айбар иеленсе, II орын 2 курс студенті Сапарқызы Жансая мен 3 курс студенті Жұман Шыңғысқа бұйырды. Байқауда озық шыққан 3 курс студенті Пономаренко Александра мен 2 курс студенті Қанапияева Қаламқас болды. Барлық студенттер мақтау қағаздарымен марапатталды.