18 қараша 2020
Нұр-Сұлтан қаласындағы Шайсұлтан Шаяхметов атындағы «Тіл – қазына» ұлттық ғылыми практикалық орталығының ұйымдастыруымен өзге ұлт жастарының арасында «Мен қазақша сөйлеймін» атты онлайн акция өткізілген болатын. Аталмыш акцияға колледжіміздің 2 курс студенті Қарамергенова Карина мен 1 курс білімгерлері Гаипова Карина, Зухрулла Рыселят қатысып, батырлар жырынан үзіндіні жатқа оқыды. Қазақ тілінің ұлтаралық қатынас тіліне айналуына қосқан үлестері үшін арнайы алғыс хатпен марапатталды. Жетекшілері – қазақ тілі мен әдебиеті пәнінің оқытушылары С.Тлеулиева, Ұ.Атілғазы. Акцияға белсенділік танытып қатысқан студенттер мен жетекшілерді құттықтай отырып, алғысымызды білдіреміз.
