Халықаралық қазақ-қытай тіл колледжінде 2022 жылдың 15 қарашасында «Жұмыс беруші күні» атап өтілді. Бұл іс-шара Қазақстан Республикасы Оқу-ағарту министрлігі мен Алматы қаласы Білім басқармасының бастамасымен
колледжде кадрларды даярлау сапасын арттыру, тиімді өзара іс-қимыл жасау мақсатында өткізілді. Осы мақсатта 2-3 курс студенттерінің қатысуымен жұмыс берушілермен кездесу ұйымдастырылды. Кездесуге «Туризм саласына сіңірген еңбегі үшін» төсбелгісінің иегері, «Тұмар Транс» компаниясының негізін салушы және директоры, Ұлттық туризм индустриясы ассоциациясының президенті Раушан Шамиль және «Туризм саласына сіңірген еңбегі үшін» төсбелгісінің иегері, «Аманат миг» компаниясының директоры Еримбетова Айнаш Дауреновна шақырылды.
Туристік компания қызметкерлері өз жұмыстарымен қатар, білім беру, маман дайындау істеріне де өз үлестерін қосуда, бұл дуалды оқыту, түлектерді жұмысқа орналастыру, мұғалімдерді тағылымдамадан өткізу. Кездесуде кәсіпорындармен өзара іс-қимыл жасау үшін қажетті негізгі нормативтік құқықтық актілер түсіндіріліп, жетекші кәсіпорынның жұмыс тәжірибесімен таныстырды.
