24 қараша күні Алматы қаласы Дін істері жөніндегі басқармасының «Дін істері мәселелерін зерттеу орталығының» және колледжіміздің тәрбие ісі жөнінідегі орынбасары Л.М.Ахтаева, колледжіміздің дін мәселесі бойынша жауапты маманы Ұ.Атілғазының ұйымдастыруымен студенттерге «Діни-құқықтық сауаттылық» атты тақырыпта онлайн дәріс оқылды. Аталған іс- шарада дәріскер ретінде «Нұр-Мүбарак» Египет ислам мәдениеті университетінің оқытушысы, профессор, философия ғылымының докторы Заитов Қайрат Айтбекұлы бірқатар дін мәселесіне қатысты ақпараттармен бөлісті. Онлайн кездесу барысында діни экстремизм мен терроризм, діни ағымдардан сақтану, діни сауаттылықты арттыру, заң алдындағы жауапкершілік, студенттердің дінге қатысты сенімді ақпараттармен танысуы, т.б. тақырыпта нақты түсіндірме жұмысы жүргізілді.
