2022 жылдың 13 қазан күні Алматы қаласы Әуезов ауданы мен Халықаралық қазақ-қытай тіл колледжінің ұйымдастыруымен Туризм мамандығы студенттері арасында спорттық туризмнен аудандық сайыс өткізілді.
Өткізу мақсаты:
- туризмнің маңызын насихаттау және колледж студенттерінің өзара іс-тәжірибелерін бөлісу;
- салауатты өмір салтын насихаттау;
- жастарды дені сау саналы ұрпақ болып өсуге баулу.
Қойылатын талаптар:
Тәжірибелік бөлім: команда мүшелері туристік құрал-жабдықты қолдана білуі және өткелдерден өте алуы қажет.
Бағалау критерийлері:
- туристік құрал-жабдықты қолдана білу;
- командамен жұмыс жасай білу;
- өткелдерден кедергісіз өте алу;
- қатысушылар спорттық киімде болуы керек.
Әуезов ауданы бойынша 4 колледж командасы қатысты. Олар:
1. Алматы сервистік қызмет көрсету колледж командасы.
2. Халықаралық бизнес және коммуникация колледж командасы.
3. Алматы қаржы-экономикалық колледж командасы.
4. Халықаралық қазақ-қытай тіл колледж командасы.
Сайыс нәтижесінде 1-орынды Халықаралық қазақ-қытай тіл колледж командасы, 2-орынды Алматы қаржы-экономикалық колледж командасы, 3-орынды Алматы сервистік қызмет көрсету колледж командасы иеленіп, мадақтамамен марапатталды. Халықаралық бизнес және коммуникация колледж командасы белсенді қатысқандары үшін алғыс хатпен марапатталды.
Сонымен қатар Халықаралық қазақ-қытай тіл колледж студенттерінің арасында «Спорт – денсаулық кепілі» тақырыбында әр түрлі спорт түрлерінен сайыстар өтті. Студенттер белсенді түрде қатысып, жүлделі орындарға ие болды, мадақтамамен марапатталды.
